إلى الست ريم ماجد والأستاذ يسرى فوده
قناتكم وبرامجكم جامده قوي
يالله الله يوفقكم بس مالناش دعوة بيكم
انتم بتعملوا برامج وطنية جامده ٌوي بس نجيب سويرس اللى انتم شغالين معاه مش فوق شبهات الفساد
طبعا محدش يطلب منكم تتخانقوا معاه ده أكل عيش وربنا يوكلنا ويوكلكم عيش ما احنا برضه بنجرى على لقمة العيش
إلى الست بثينة كامل
هو لما جوز سيادتك اتعين وزير ثقافة هل اختلف أدائك الثوري
هل صحيح ما نسب لمعاليك من مرتضى منصور من انه لما اتعين جوز سيادتك وزير ثقافة ما رضيتيش تنضمي للمتظاهرين اليوم اللى بعده ؟ وعايزه تبقى رئيسة جمهورية
هو احنا مالنا ومالك يا ست
احنا حزب الأغلبية الصامتة
وانت الله يسهلك يا ست
الست نوارة نجم
انا شفتك بتقولى انك مش هتقبلى أي منصب حتى لو رئيس مراجيح مولد النبي
ربنا يكرمك أول واحده مش عايزه تتنطط على قفانا
ماشى بس هو انت بتسافري تونس ازاي؟
ده أبوك زعيم الفقراء فى العالم العربي
الست اسماء محفوظ هو انت عايزه تبقى رئيسة جمهوريةبرضه؟
يعنى كل الكفاح ده كان لوجه المنصب ولا لوجه الله؟
هو احنا مالنا ومالك يا ست
احنا حزب الأغلبية الصامتة
وانت الله يسهلك يا ست
الست أسماء عبد الفتاح
فى فيديو قلب مصر الحلقة الرابعة شفت معاليك فى أمريكا ؟
إزاي وانت مش لاقية شغل غير فى المعهد الوطني الديموقراطي ؟ إيه ردك على ما ورد فى الفيديو ده؟
هل ليك علاقة بأمريكا؟
انت وسائر من ورد اسمه فى الفيديو
بتوع 6 إبريل ماهر واسماء محفوظ وغيره
وائل غنيم الغامض الغريب المريب
لغاية ما نبقى نعرف ونفهم
هو احنا مالنا ومالكم
احنا حزب الأغلبية الصامتة
وانتم الله يسهلكم
ليست هناك تعليقات:
إرسال تعليق