من نحن ؟ نحن حزب الأغلبية الصامتة
نحن حزب الأغلبية الصامتة اللى فاهمين كل حاجة وعشان فاهمين كل حاجة بقينا أغلبية صامتة
الى كل النشطاء نحن حزب الأغلبية الصامتة لا شأن لنا بكم
السادة أعضاء المجلس العسكري مثلكم مثل سائر الحكام الذين كانوا من قبلكم لا شأن لنا بكم!! لماذا؟
سعادتكم عملتم الكثير الذى أثبت لنا أنه لا شأن لنا بكم
قلتم لنا اعملوا استفتاء نصنا راح افتكر إن مفيش داعى يفضل فى الأغلبيةالصامته وراح كانت إيه النتيجه؟
ضحكتم علينا وعملتم إعلان دستوري بعده من 62 مادة ما استفتيتوش عليها حد
ندم النص بتاعنا اللى فكر إنه يخرج من حزبنا الأغلبية الصامتة ورجع تانى لآحضان حزبنا العتيد
قلنا لنه ملكش دعوة لاتروح استفتاء ولا تيجي
أهو طلع اننا اللى كنا صح
وبعد شوية بيقول اللواء ممدوح شاهين إنه كان استفتاء على المجلس العسكري!!!!!!!!!!!!!!!
أديك اتنصب عليك كمان واتزور صوتك وطلعت انك صوت على حاجة غير اللى انت كنت فاكر انك بتصوت عليها
وممكن بعد شوية تطلع انك رحت تسفتى على البتنجان ولا ع الكوسة ولا على أي حاجة !!!
أهو انت اديتهم استفتاء يفصلوه على أي حاجه عايزينها
مش ماكنتش رحت أحسن؟!!!!
السادة الإخوان المسلمين لا شأن لنا بكم
فى 1952 لعبتم لعبه وسخة مع ضباط يوليو وفى الآخر جت على دماغكم ودماغنا كلنا
ضباط يوليو هيحلوا الأحزاب أيوا أحسن أحسن الوفد يرجع وياخد الأغلبية
ضباط يوليو متخانقين مع محمد نجيب وبيقولوا لكم مالكمش دعوة ماشي مانتم كنتم فاكرين التفاحة هتقع فى حجركم انتم فى الآخر
وفى الآخر بطش بكم عبد الناصر قلتم احنا كنا مظلومين منه لله ده راجل مفترى
من أعان ظالما سلطه الله عليه ولا يظلم ربك أحدا
ولوكانت التفاحة وقعت فى حجركم ما كنتوش هتسألوا فينا هوا انتم شرتم حد من القوى السياسية أيامها أما هتسألوا فينا احنا حزب الأغلبية الصامتة
وأديكم بتعملوا نفس اللعبة الوسخة ديلوقت مع المجلس العسكري
مادام بيديكم حاجة يبقى طظ فينا احنا حزب الأغلبية الصامتة
والشباب اللى كل واحد فيهم فاكر إنه هياخد منصب ولا وظيفة ولا حتة من التورتة لو حد فيكم خد حاجه مش هيعبرنا
هو احنا مالنا ومالكم
الله يسهلكم يا عم
ليست هناك تعليقات:
إرسال تعليق